المساعد الشخصي الرقمي

مشاهدة النسخة كاملة : افضل مزين وبوتيكات لفساتين افراح فى طرابلس للبنات فقط



RANDA
12-07-2010, 03:18 PM
السلام عليكم


بعد التحيه


اهلا باحلى بنات فى احلى منتدى


الموضوع وما فيه بما انا اغلبنا فى سن الزواج ونحيرو 60 الف حيره فى اختيار المزين لليله العمر ومشاكلنا فى اختيار فستان ليله العمر
فلهذا لماذا لا تكون هده الصفحه للنتشاور وننصح بعضنا باحسن مزين فى طرابلس ونضع عناوين افضلهم


وعناوين البوتيكات للفساتين الافراح


ونسهلو على بعض ونساعدو بعض مارايكم؟
فى النهايه الى عندها تجربه هيا تحطلنا شن الاحسن وماهو الافضل ولا حبذا بالاسعار






؟؟؟؟

RANDA
12-07-2010, 03:26 PM
الحق انى نسمع باكثر مزينات مشهورات واغلب الناس تشكر فيهم الان

مزين سهى الحسناء الى فى قرجى
ومزين النخيل للمدام نبيله الى فى الظهره والحق اغلبهم يشكى من غلاء الاسعار فيه
والاخير مزين ناديه الجزائريه

هنودتي
12-07-2010, 03:40 PM
مزين سهى الحسناء الى فى قرجى

رندوشه! امتي فتحو في قرجي؟

RANDA
12-07-2010, 04:23 PM
هنوده هو قبل قرجى انى تلخبطت

lady star
12-07-2010, 04:26 PM
عن رأي نادية الجزائرية
انامل ولا احلي

RANDA
12-07-2010, 04:32 PM
اوافقك الرائ يا لايدى ستار

وليد محمود
12-07-2010, 05:53 PM
حتى فيكى اللى فى الفرناج يشكرو فيها و خاصة فى تسريحات الشعر

و لينا متع قرقارش خاصة فى تلوين الاظافر

وليد محمود
12-07-2010, 06:01 PM
مزين سيدتى الجميلة و بالاخص البنت اللبنانية اللى تخدم فيه ممتازة جدا

المزينة فاطمة شعيب حتى هى ممتازة هلبة و اللى يميزها تخلط تلاتة الوان فى وقت واحد لو البنت حتلبس اكتر من فستان فى يوم واحد

و فاطمة شعيب اسعارها معقولة حوالى 400 من غير قصة و صبغ الشعر


و مزين كارولين فى قرقارش جاى فى الزنق مش على الرئيسى يعنى و مزين خيرا فى النوفليين



عموما نتمنالكم التوفيق مع انه المفروض ما انشارك بس بحكم تعاملى معاهم قلت خلى انفيدكم


لتوفير ارقامهم و عناوينهم ع اخاص

اميرة الكلية
12-07-2010, 06:10 PM
مزين سيدتى الجميلة و بالاخص البنت اللبنانية اللى تخدم فيه ممتازة جدا

المزينة فاطمة شعيب حتى هى ممتازة هلبة و اللى يميزها تخلط تلاتة الوان فى وقت واحد لو البنت حتلبس اكتر من فستان فى يوم واحد

و فاطمة شعيب اسعارها معقولة حوالى 400 من غير قصة و صبغ الشعر


و مزين كارولين فى قرقارش جاى فى الزنق مش على الرئيسى يعنى و مزين خيرا فى النوفليين



عموما نتمنالكم التوفيق مع انه المفروض ما انشارك بس بحكم تعاملى معاهم قلت خلى انفيدكم


لتوفير ارقامهم و عناوينهم ع اخاص
الحق فى البدايه صارلى زى ماركوا وطلعولى علامات فى جبهتى وعلامات استفسار فوق راسى :confused::confused::confused:
لكن بالصدفه عينى جت ع التوقيع فطاروا العلامات عكس اتجاه الريح :biggrin:
وانى نحس فى الموضوع لو كان فى النواعم احسن لكن للاسف مفيش قسم نواعم

karamella
12-07-2010, 06:13 PM
اهم شي الراحة النفسية ومن غير stress:alldoc (4):

وللاسف وصلت الاسعار 1000 دينار علي شنو ماعرفتش !!!

تسريحة وماكياج ماكلفتهمش حتى 50 دينار

وليد محمود
12-07-2010, 06:15 PM
اسف على التدخل بس اقرو التوقيع تعرفو سبب التدخل

karamella
12-07-2010, 06:19 PM
اهم شي الراحة النفسية ومن غير stress:alldoc (4):

وللاسف وصلت الاسعار 1000 دينار علي شنو ماعرفتش !!!

تسريحة وماكياج ماكلفتهمش حتى 50 دينار
ما صح ......

اميرة الكلية
12-07-2010, 06:23 PM
وهدا الا قلته حتى انى
وربى يوفقك فى اى مجال اخى الكريم
اهم شى متعصبش
ونشكرك على النصائح

وليد محمود
12-07-2010, 06:46 PM
وهدا الا قلته حتى انى
وربى يوفقك فى اى مجال اخى الكريم
اهم شى متعصبش
ونشكرك على النصائح

علاش بنتعصب انت ارخى روحك تعومى نحن فى عام 2010 و اغلب ملابس النساء يصممو فيها رجالة و عادى اهى خدمات اتفضلى .... مع انه حسب ما شوفت امبكرى علقتى بخط اصغير لكنه غيريته اكبير مش عارف شنو القصد منه لكن يلا

*ROSY *
12-07-2010, 07:02 PM
فكرة حلوة يا رندووش

باهي بعد تكلمو عالمزيناتط

شنو اخبار الفيلللللوااات

وفساتين الحفلة

وين احسن مكانات

مع ان سعر تاجير فستان العرس توة نااااااار نااار

وليد محمود
12-07-2010, 07:19 PM
حفلات و اعراس ام الفساتين زى الرز حسب علمى فى المدة الاخيرة فى ليبيا
بس فيه اماكن الحق بضاعتهم حلوة و يجيبو فيها من دور ازياء راقية

و فيه حتى بالكتالوجات و تستلمى الطلبية م باريس او دبى او بيروت او دمشق طبعا حسب المطلوب

بس انت وضحى الميزانية لغاية كم و حنحاول انساعدك

اميرة الكلية
12-07-2010, 07:49 PM
علاش بنتعصب انت ارخى روحك تعومى نحن فى عام 2010 و اغلب ملابس النساء يصممو فيها رجالة و عادى اهى خدمات اتفضلى .... مع انه حسب ما شوفت امبكرى علقتى بخط اصغير لكنه غيريته اكبير مش عارف شنو القصد منه لكن يلا
شكرا دكتور ع النصيحه بس والحمد الله مدايره بها من يومى يومى يعنى مش جديد عليا انى نكون ريلاكس وكان فيه ناس وصلتها من 2010 انى عندى من ؟؟؟؟:biggrin: السنه الا جيت فها
وبالنسبه للخط ممكن تعتبره تعديل انى هدا حطى ومن علامات ماركوا نستنى نديره :alldoc (81): وبعدين لما طارت العلامات تفكرة وعدلته
يعنى مش لعرض معين
شكرا ليك ع النصائع الروعه

هنودتي
12-07-2010, 08:04 PM
د/ وليد ماشاء الله خبير ربي يارب توصل للي تتمناه

عموما لو سمحت ماركه جيفنشي يارب يكون عندك توكيلها

عندي سؤال عالكريم والباودر رغم انها مش فاتحه بس عجبني ملمسها ومشت معاي استعملتها مدمه بسيطه
من فتره دورتها بس للاسف نزلت مقلده ويبيعو فيها اصليه علي اساس في (////) اللي في أول سبتمبر

سو يادكتور بعد اذنك لو كنت انت وكيلها او لو تعرف حد ثقه من طرفك

ياريت اسعارها ويين نقدر ناخذها

وبارك الله فيك

*ROSY *
12-07-2010, 08:28 PM
طيب دكتور
بحدود كم فستان عرس يكون راقي بس معقول

انا شفت في بن عاشور حاجات حلوة اجار اليوم في حدود الف دينار بس
في نظرك فيلو حلو كم حدوده

وليد محمود
12-07-2010, 08:54 PM
شكرا دكتور ع النصيحه بس والحمد الله مدايره بها من يومى يومى يعنى مش جديد عليا انى نكون ريلاكس وكان فيه ناس وصلتها من 2010 انى عندى من ؟؟؟؟:biggrin: السنه الا جيت فها
وبالنسبه للخط ممكن تعتبره تعديل انى هدا حطى ومن علامات ماركوا نستنى نديره :alldoc (81): وبعدين لما طارت العلامات تفكرة وعدلته
يعنى مش لعرض معين
شكرا ليك ع النصائع الروعه


نقصد نحن فى عام 2010 يعنى راح زمن التعصب ياريتك تفهمينى صح
و كويس جدا انك راخية روحك من امتى ما جيتى شى مفرح هلبة


و شكرا لتعديل الخط لانه فيه ناس عندهم ضعف نظر فا لازم ناخدو بخاطرهم

وليد محمود
12-07-2010, 09:23 PM
طيب دكتور
بحدود كم فستان عرس يكون راقي بس معقول

انا شفت في بن عاشور حاجات حلوة اجار اليوم في حدود الف دينار بس
في نظرك فيلو حلو كم حدوده

فستان الزفاف سعره يعتمد على اشياء معينة و هى
1. سعره من المصدر
2. دار الازياء اللى صممت الفستان
3. بلد التصنيع
4. جودة الخامة متع القماش و هل هوا سنبل او فيه هلبة اكسسوارات و هلى هى اكسسوارات عادية ام كريستال من شركات مرموقة فى تصينع الكريستال . وهل فيه ديل و الخ

بس فى ليبيا السعر يقعد محصور بين تلاتة اشياء
1. شهرة المحل
2. موقع المحل
3. بلد المصدر و سعره من المصدر


بصفة عامة الموضة هى اللون السكر الاسمر او ما يعرف فى ليبيا بى حاشكم ابيض امصخ
اقصا حد للايجار هو 3500 دينار و عادة ما يكون الفستان كبير هلبة يعنى فيه ديل و منكوش يعنى مش سنبل و اقل حد هوا 800 دينار

و لكن اهم شى الدوق فيه اللى تاخد بى 800 فستان حلو و يطلع عليها حلو و فيه اللى تاخد بى 3500 و يطلع عليها شين و هدا كله باش تقول فستانى بى 3500 و لازم ما تنسوش ان القالب هوا اللى يغلب فى الاخير

و عموما فستان اللى قلتى عليه بى 1000 يعتبر سعره معقول بالنسبة للسوق الليبيى و حسب السعر هدا انحس فيه فستان يعنى معتدل مش سنبل و لا كبير

و ما تهزيش على السعر لانه مرات اتحصلى بى 800 و يطلع احلى من متع 3500

و على فكرة و للاهمية فستاين الافراح سعرها من مصدرها ما يكلفش 500 دولار يعنى فى حوالى 660 دينار ليبى و هده الفساتين فى العادة تكون مصنوعة فى دولة عربية زى سورية او لبنان و خامة القماش و التصميم اوروبية يعنى القماش و الفصالة اوروبية ...... اكتر شى فرنسية

و فساتين اللى فى عروض الازياء يجيبو فيهم فى التلفزيون صدقينى اغلبهم قطعة واحدة او قطعتين و بعدين المصمم يبيع التصميم و يقعد كل من هب و دب يخيط و يبيع فا ما تصدقى من يقولك جبت فستانى من عرض ازياء

و توا فى ليبيا ابدو مكاتب خدمات تجارية تعطيهم التصميم و المقاش و يخيطوهولك فى الصين

بس فى طرابلس فيه مشغل ممتاز جدا و لكن مش للايجار يبيع بس و كل شى بالكاتلوج يعنى وريله صورة فستان يخيطهولك و تشطيب درجة اولى


اتمنى انى وضحتلك اهم الامور فى مجال فساتين الافراح بحكم خبرتى فيهم و خدمتى

*ROSY *
12-07-2010, 09:49 PM
بارك الله فيك دكتور ...

نبضة أمل
12-07-2010, 11:23 PM
السلام عليكم ورحمة الله وبركاته

بارك الله فيك دكتورة رندة

الموضوع روعة وجي فى وقته ^_^



بس فى طرابلس فيه مشغل ممتاز جدا و لكن مش للايجار يبيع بس و كل شى بالكاتلوج يعنى وريله صورة فستان يخيطهولك و تشطيب درجة اولى

بعد إذنك أخى الفاضل :
هذا وين بالضبط؟
والقماش والخياطة درجة أولي أكيد ؟

** أنا ننصح بإستبرق روعة للفساتين الأعراس

تحياتى

karamella
12-07-2010, 11:38 PM
الفراشة الفرع الاول في السياحية بعد زرقاء اليمامة ب1كيلو متر عاليمين
والفرع التاني شارع الظل
عنده فساتين سهرة وبيانات راقية وبأسعار معقولة ...

وليد محمود
12-07-2010, 11:50 PM
السلام عليكم ورحمة الله وبركاته

بارك الله فيك دكتورة رندة

الموضوع روعة وجي فى وقته ^_^



بعد إذنك أخى الفاضل :
هذا وين بالضبط؟
والقماش والخياطة درجة أولي أكيد ؟

** أنا ننصح بإستبرق روعة للفساتين الأعراس

تحياتى


موجود فى مدينة طرابلس و نعرفه يتعامل مع المحلات فقط بس اكيد الامر ما يخلاش من الاستتنات
و خدمته حلوة و قماشه مية مية حتى الاكسسوارات ردجة اولى و من شركات مرموقة و مشهورة

حنحاول خلال ها الايام انحط بيانات عليه لانه انى بزنس الفساين ليا مدة عليه

اميرة الكلية
12-07-2010, 11:52 PM
ربى يعاونكم
ان شالله

وليد محمود
13-07-2010, 12:10 AM
يسلمك و يعاون الجميع
لما يجى نصيبك شاركينا عاد الهدرزة مش زى توا تمرى علينا مرور الكرام

باش انفيدوك

همسة أمل
13-07-2010, 01:03 AM
بنشارك في الموضوع متع المزينات انا من الناس اللي مايطلعش عليا المكياج لكن سبحان الله توكلت في بياني ل ناديه الجزايريه لين معرفتش روحي حتي انا قعدت نبكي ونقوللها ميطلعش عليا المكياج لكن الصراحه روعه كنت نحسابها اهو شهره وخلاص بدات لما قالولي متقدريش تشوفي عرايس قبل ماتحجزي اسفه علي تطويلي في الموضوع سلام

هنودتي
13-07-2010, 01:09 AM
دوك وليد شنو صار؟

نستني في ردك علي مشاركتي اللي في الصفحه رقم 2

وليد محمود
13-07-2010, 01:40 AM
د/ وليد ماشاء الله خبير ربي يارب توصل للي تتمناه

عموما لو سمحت ماركه جيفنشي يارب يكون عندك توكيلها

عندي سؤال عالكريم والباودر رغم انها مش فاتحه بس عجبني ملمسها ومشت معاي استعملتها مدمه بسيطه
من فتره دورتها بس للاسف نزلت مقلده ويبيعو فيها اصليه علي اساس في (////) اللي في أول سبتمبر

سو يادكتور بعد اذنك لو كنت انت وكيلها او لو تعرف حد ثقه من طرفك

ياريت اسعارها ويين نقدر ناخذها

وبارك الله فيك

اسف جدا و الحقيقة مستغرب كيف ما شفتش تعليقك عموما اسف مرة اخرى

بخصوص جيفنشى ماعنديش الحق توكيلها

و للاسف هلبة بضاعة مقلدة نازلة السوق الليبيى و اغلبها يجيبو فيها من دبى

و الصراحة بضاعة جاية من اوروبا معناها مش مقلدة بس واحد يقولك جيفشى و جايبها من السوق الحرة فى دبى حطى تحتها خطيين و اشارة تعجب و استفهام

و على فكرة شركة جيفنشى معروفة عليها انها مرة مرة تقطع فى انتاج مادة معينة و بعدين تبدا بانتاجها من جديد و تنزيلها للسوق العالمى و كل ما ينقطع الاصل ينقطع المقلد لانه المقلد يمشى مع الاصلى زى قاعدة الهندسة الخطان المستقيمان خطان يمشو فى اتجاه واحد لا يلتقيان مهما امتدان ...... معليشى القاعدة جبتها بالفلاقى

عموما حنحاول انقولك وين تلقيها فى ليبيا لو مازال عندهم

honeydody
13-07-2010, 06:59 AM
رندوووووووشة موضوع نايس ومنتظر ^_^
طبعا من رأي ان كل بنت ضروووووري جدا اتكون بروف في الماكياج لأن مصيرها
ح تميكج بروحها ومش معقولة كل ما بتحط حاجة بتمشي للمزين
***
المزينات مش مقتنعة بيهم كلهم لكن يلا ...
في لمسات في بن عاشور ..في التسريحات حلو والميك اب حتى تعطيها صورة نوع معين ادير زيه
لكن أكدي علي كل مزينة ديمة تهتم بمنطقة الرقبة والكتفين زيهم زي الوجه ^_^ !!!
ناديا الجزائرية مشكورة هلبة لولا عدم تناسق لون الشفاه مع الظلال في بعض الاحيان.
فاطمة شعيب الظلال تمام لكن احمر الشفاه مبالغ في سيولته ( يطلع من حدوده ^_* )
اما هاللي اتقولي مزين ب 1000 ومش عارفة شنو لالالالا
حتى لو بدير عملية تجميل ما يوصلش للرقم هذا
لهذا مش ح نشكر اي واحدة بهدا السعر !
اما فستان الزفاف مهما طلعت من موضة ووو يبقى الابيض الثلجي هو عنوان ثوب الزفاف
في قاجا و اول بن عاشور وفي اللي في قرقارش هادو اللي مميزات
اغلى شي 2500..
وفساتين السهرة رأي من راي كاراميلا الفراشة في قرقارش راقي هلبة ..
تحياتي للجميع ..
مشكور جدا وليد محمود علي مداخالاتك القيمة ..

اميرة الكلية
13-07-2010, 12:32 PM
يسلمك و يعاون الجميع
لما يجى نصيبك شاركينا عاد الهدرزة مش زى توا تمرى علينا مرور الكرام

باش انفيدوك
شكرا شكرا
لكن الحق انى طراز التسعينيات مأترتش فيا الحضاره
يعنى حنعتمد على نفسى فى الاختيار بمشاركت بعض المقربين ليا:alldoc (79):
شكرا على عرض المسعاده
لكن ميمنعش انى بنمر بنشوف وين وصلنا :alldoc (24):

اسير الشوق
13-07-2010, 02:58 PM
هو موضوع للبنات فقط بس بحكم تجاربي مع خواتي




ممكن نساعدكم ونقول راي




؟؟؟؟؟؟؟؟؟؟؟؟؟؟؟

RANDA
13-07-2010, 03:23 PM
مشكور وليد الحق مشاء طلعت عندك مواهب مخفيه وسلمت الايادى هونى على الشرح الحلو المختصر

انى منقول حاجه بحكم انى نمشى للبنغازى هلبا
فى بنغازى الفيلوات برخص التراب اغلى واحد بالف ومش ايجار يعنى مايتعاملوش بالايجار تشرى شرى

وفى محلات انتى توازى من الكتالوج ويجيبهولك صاحب المحل من برا

الحق رخيصه بشكل لايصدق واستغربو فينا لما سمعو انا فى الغرب نأجرو فيهم ايجار

الى عنده حد فى بنغازى يمشى يدير دوره

*ROSY *
13-07-2010, 03:32 PM
رندوش
تانكس ع الفكرة

أسير
ادلو بدلوك تفضل

اسير الشوق
13-07-2010, 04:02 PM
قصة فستان الفرح الأبيض او الفيلو طويلة وحنخليها في ردي الجاي



أما انا حبيت نقولكم بالنسبة للمزينات

بصراحة نادية الجزائرية مشاء الله عليها وتسريحاتها عصرية جدا

وسعرها مزال أرخص من سهى الحسناء


بالنسبة لسهى الحسناء حلوة هلبا مع غلاء في السعر

مع ملاحظة لكل بنت إختارت سهى الحسناء في كذبة نصيحة مني

لما تمشيلها قوليلها انه دخول بعيد يعني إمالي راجلك بعاد في مصراته او الخمس او

لانه لو مدرتيش هكي مش حطلعك بكري وفي عرايس خشو الساعة 12 للصالة

ونفس الكلام بالنسبة للمزينة خيرة متع بن عاشور

نبي نقول ملاحظة سهى الحسناء مش في قرجي ومفيش فرع في قرجي هي في النوفليين

عندكم مدام فاطمة يشكروا فيها ومجربنهاش

على فكرة بالنسبة للمزينات من غير العرائس في مزينة يتعاملوا معاها العيلة

متع مكياج صدرة وتسريحات متع مدامات وجبد شعر وقصان وحاجات زي هادي
هي مزينة متمكنة ممتازة جدا مع أسعار متوسطة وهي مش محل تجيك للحوش
المهم انه بالحجز بالتليفون وتكون مجموعة متجيش متطلعش على خاطر شخص واحد

مثال عندكم عرس بنت عمكم

تحجزها امك وأختك المتزوجة ومرت عمك وبنتها ومجموعة

توفر عليكم الطلوع وهي ممتازة جدا لو في حد يبي يجرب يقدر اول مرة يمشيلها في حوشها او تجيه
ولو وحدة منكم تبي رقمها نبعتلها رقم المزينة
في الخاص بعد مناخده من اختي

بالنسبة لفساتين المحضر او القفطان الكبير

لا يعلى على المنتصر خصوصا لو كان القماش من كشمير

بس في ملاحظة على المنتصر

إنه الخياطة متعه جيهة حي الأندلس طريق قرجي بعد السيمافروا تلفوه اسمه الفراشة هي الخياطة متعه
لو تمشيله طول بفكرة منك توفري على روحك 500 دينار متع المصمم متع المنتصر
الموضوع طويل شكله هلبا







تو نرجع




غر نبي نقولكم رد بالكم وحدة منكم نشوفها في الاقسام التانية خاشة تقول المزين حرام مش عارف شن هو حرام



سلامي

libya32
13-07-2010, 04:09 PM
المزينة الوحيدة يلى عاجبتنى نجوى التليسي والفساتين محل الماجرى فى قرقارش حاليا

ياريت تفيدونى فى صالات معقولة السعر يعنى مش اكتر من 2000 وتوة الصالات هما يلى احترنا فيهم الحق لان
ارتفعو اسعارهم هلبة وعرس اختى بعد رمضان ومالقينا صالة لتوة

مشكورين

karamella
13-07-2010, 04:14 PM
المزينة الوحيدة يلى عاجبتنى نجوى التليسي والفساتين محل الماجرى فى قرقارش حاليا

ياريت تفيدونى فى صالات معقولة السعر يعنى مش اكتر من 2000 وتوة الصالات هما يلى احترنا فيهم الحق لان
ارتفعو اسعارهم هلبة وعرس اختى بعد رمضان ومالقينا صالة لتوة

مشكورين
على ما اعتقد الاندلسية في شارع النصر بالاسعار هده

نبضة أمل
13-07-2010, 05:00 PM
السلام عليكم ورحمة الله وبركاته

المزين بصراحة نادية حلوة واجد
بس سهى الحسناء صح حلوة لكن
طلع في السمر أحلي مش عارفة علاش
نصيحتى كان بشرتك بيضا واجد شوفى نادية ^_^


لا يعلى على المنتصر خصوصا لو كان القماش من كشمير


:alldoc (48)::alldoc (48):
الحق % ماشاء الله
وتقريبا كلنا نمشوا لنفس الأماكن


ياريت تفيدونى فى صالات معقولة السعر يعنى مش اكتر من 2000 وتوة الصالات هما يلى احترنا فيهم الحق لان
ارتفعو اسعارهم هلبة وعرس اختى بعد رمضان ومالقينا صالة لتوة

ربي يتمم عليكم علي خير
بس العرس بعد رمضان إن شاء الله تقدرى تلحقي تحجزى
للأسف مانقدرش نفيدك ,أكيد الأعضاء يفيدوك
إطمنى

تحياتى

اسير الشوق
13-07-2010, 08:03 PM
تبي الحق الصالات الحلوة معضمها في حدود 3000 في الايام العادية واخلى في الخميس والجمعة اللي هم اللوتس دانة اللبيب الكوثر

بس عندك في صالة اسمها فيلادلفيا في بحدى جمعية الدعوة الاسلامية الجبس هادي تقريبا 2500 في الايام العادية
عندك في صالة الريم جهة نادي الاتحاد هادي 2000 دينار ومعقولة
عندك ممكن صالة الفرسان في زاوية الدهماني حدود 2000
بس كنصيحة مني شوفي فيلادلفيا اول وحدة لانها حلوة

lady star
13-07-2010, 09:14 PM
اسير الشوق

عندك في صالة الريم جهة نادي الاتحاد هادي 2000 دينار ومعقولة

الله يرحمها مشت في الهدم واستوت بالارض دورو غيرها

وفي صالة الصرح في بن عاشور بي 3000 في الايام العادية و3500 يوم الخميس
وصالة اخري اسمها السرايا في بو سته 2500 في الايام العادية و 3000 الخميس
والسرايا فيها زفة توا تغيرت المطربه اللي قبل احسن توا لا مش حلو صوتها

برنس81
13-07-2010, 09:31 PM
صالة فيلادلفيــــــــــــــا حلوة
نحنا الشباب بكير علينا ................
اما البنات لازم تهدرزوا بهدا الموضوع

برنس81

libya32
13-07-2010, 10:58 PM
صحيتو اخوتى الاندلسية درنا بها عرس وبالنسبة لفيلادلفيا شفناها ومعجبتناش

مشكورين على كل من رد عليا

lady star
13-07-2010, 11:53 PM
بالنسبة للفيلوات شفت قاجة والمشيرقي بالدرجة الاولي
والمكياج سهي ونادية الجزائرية نفس الثمن ال 2 بي 400

dr sona
14-07-2010, 12:50 AM
حتى مزين نجوى التليسي في شارع هاييتي حلووووووووووووو بالمرة
والميك اب بتعها روعة
بس والله ديما الحظ يلعب دوره في لي تمكيج في الحوش وتطلع حلوة
ان شاء الله يارب تكونو كلكم احلى عرايس يا صبايا

اسير الشوق
14-07-2010, 02:13 AM
صحيتو اخوتى الاندلسية درنا بها عرس وبالنسبة لفيلادلفيا شفناها ومعجبتناش

مشكورين على كل من رد عليا
يعني الأندلسية أحلى من فيلادلفيا مستحيل انا الحق مدرناش فيهم الزوز بس بصراحة لما ندورو شفناهم الزوز الأندلسية مكانها ضيق مفيش وين سيارات يدرسوا وزيادة هي صغيرة ومش حلوة




على فكرة في صالة جديدة فاتحة جديدة جديدة



في طريق السراج طريق الثلاجات حتى إسمها مقريتاش بس شكلها حلوة



بس بصراحة لا يعلى على قاعة لبذة وشحات بكورنتيا

karamella
14-07-2010, 02:19 AM
يعني الأندلسية أحلى من فيلادلفيا مستحيل انا الحق مدرناش فيهم الزوز بس بصراحة لما ندورو شفناهم الزوز الأندلسية مكانها ضيق مفيش وين سيارات يدرسوا وزيادة هي صغيرة ومش حلوة




على فكرة في صالة جديدة فاتحة جديدة جديدة



في طريق السراج طريق الثلاجات حتى إسمها مقريتاش بس شكلها حلوة



بس بصراحة لا يعلى على قاعة لبذة وشحات بكورنتيا
الصالات الحلوات من3500 فما فوق
... ولبدة وشحات للأسف ولا ميزه دعاية وجو زايد فقط الودان ارقى منهم

اسير الشوق
14-07-2010, 03:00 AM
صح صح الودان أرقى منهم



بس مش دعاية وخلاص




والودان توة كيف طلعت السنة هادي



بس هم كانوا ال؟أفضل بدون منازع



صح حفلة كلفت حوالي 22000 بس كانت من ألف ليلة وليلة

libya32
14-07-2010, 12:35 PM
وين هادى الودان ..تقصدو فى فندق الودان ولا شنو؟
انا منبيش صالة كبيرة معازيمنا مش هلبة نبيها صغيرة وسعرها معقول
فيلادلفيا معجبتنيش ومكانها مش حلو
مشكور على كل من رد

real madrid
14-07-2010, 12:44 PM
صح بالنسبة للمزينات نسمع بمزين ( نادية الجزائرية )
وايضا نسمع بمزين تاني
في الدهمانـــي مزين
( فوزية ابو نخــلة )
:devil:

NaMi
14-07-2010, 01:43 PM
..
متـابعة للموضوع باهتمـام :hesh (37):
..

RANDA
14-07-2010, 02:32 PM
اهلا بكل من سطر سطرا فى هذا الموضوع

واسير مشاء الله طلعت خبره

صح انى شفت ان فى صاله قالو جديده فى السراج قريب من مدرسه افريقيا والله مانعرف اسمها بس بيفتتحوها توا الايام الجايه

ونبى نسال المراكز الى دير فى جلسات للبشره لو حد يعرفه يقوللنا

karamella
14-07-2010, 03:55 PM
صالة الودان في الفندق نفسه ب26000 دينار وراقيه جدا
لكن لبده وشحات في كورنثيا وجربناهم في العيلة (ظلام-اكل قارص- الكوشه مش حلوه بكل...


بالنسبه للبشره فيه سانت جيمس في بن عاشور لا يعلى عليه

dr.s.m.a.r
14-07-2010, 03:57 PM
عندي مجموعة اسئلة للدكتور وليد

بالنسبة لشراء الميك اب والروائح كيف ممكن نعرف انها اصلية ام لا

بالنسبة للميك اب كيف نعرف انها بضاعة اصلية ام لا لانه في هلبه محلات يقولك اصلية وسعرها من سعر الاصلية ولكن تكون مقلده

وفي بعض المحلات بضاعتهم اصلية ولكن مبالغة بالاسعار بشكل واضح


وبالنسبة للروائح ممكن ناخد رائحة اصلية لكن يكون مبالغ في سعرها من صاحب المحل

كيف العمل من هذه النواحي......................؟


وهل في محل معين ينصح بالتعمال معاه



ومشكوووووووووووور مقدما دكتور

dr.s.m.a.r
14-07-2010, 03:58 PM
هلا اخت كراميلا


بالنسبة للمركز انا سمعت به بس ممكن نستفسر علي اسعاره لو عندك علم

المجهول الغامض
14-07-2010, 04:03 PM
مش عارف وين لكن اضن في بنغازي

الدكتورة هايدي
15-07-2010, 12:08 AM
بالنسبة للمزين "فاطمة شعيب +ناديا الجزائرية" وبس وردو بالكم تمشو لسهى الحسناااء او باربي لانهم الزوز يطلعو في العرائس طبعه وحدة
بالنسبة للصالات "صالة الفراشات في السراج جديدة وحلوة ...صالة الصرح بن عاشور
صالة نواعم
صالة لبدة
الاكل الحق منعرفش لكن عجبنى العالم حاجاته حلوة وبسيطة وردو بالكم تمشو للدكتور سلمى بيك اكلها غالىىىىى وسعره خيالى علي ما شئ

real madrid
15-07-2010, 12:32 AM
لا لا في صالة في راس حسن
جديـــــــــد
نيو
بي
6500
والشيف فرنساوي والاكل كله فرنساوي
(سون با سون ) وهلبا حاجات
..والقارسون تيم ..كذلك مش عادي
:wink:

newborn
15-07-2010, 01:05 AM
شن رأيكم في صالة المندرة وهل كبيرة والا لا يعنى لكم شخص تكفي؟؟
تانكس رنده علي الموضوع جاء فى وقته^_^

بالنسبة لسهى الحسناء طبعه واحدة شفتلها 6 عرايس نفس الميك اب كوبي بيست

فاطمة شعيب حلوه تسريحاتها ومكياجها

real madrid
15-07-2010, 01:11 AM
قصدي حتي ( فيكي ) كويسة
كان قاعدة عايشة
http://www.luxsat.eu/smileys/24.gif

RANDA
15-07-2010, 02:34 AM
باهى قولوى نبيله الى فى الظهره مزين النخيل الحق غاليه جو 1000 بس شن رايكم فيها

اسير الشوق
15-07-2010, 02:38 AM
شن رأيكم في صالة المندرة وهل كبيرة والا لا يعنى لكم شخص تكفي؟؟
تانكس رنده علي الموضوع جاء فى وقته^_^

بالنسبة لسهى الحسناء طبعه واحدة شفتلها 6 عرايس نفس الميك اب كوبي بيست

فاطمة شعيب حلوه تسريحاتها ومكياجها

صالة المنذرة
م زوز
بس عيبها مش منشرحة هلبا السقف مش عالي هلبا ناهيك عن العرسات اللي فيها
كأنها كانت مبنى عادي وبعدين نحو الحيوط وقعدوا عرسات
طبعا الخشة متع صالة المنذرة حلوة هلبا كأنك خاشة هوتيل خمسة نجوم الرخام والمرايا والوسع وهادي ميزتها
بس سعرها غالي اللوتس أحلى منها ودانة كذلك وزيدي عليهم اللبيب

اسير الشوق
15-07-2010, 02:43 AM
صالة الودان في الفندق نفسه ب26000 دينار وراقيه جدا
لكن لبده وشحات في كورنثيا وجربناهم في العيلة (ظلام-اكل قارص- الكوشه مش حلوه بكل...


بالنسبه للبشره فيه سانت جيمس في بن عاشور لا يعلى عليه
أختي

صالة لبذة في فنذق كورنتيا ليس بسعر الصالة أصلا

حسب عدد الكراسي

وحسب الأكل اللي إنتي طلبتيه هذا الكلام كان 2004

مكانتش موجودة الودان الحالية


بعدين الأكل مكانش مصقع ولا في الدوة هادي


الصالة بالأكل كلفت حوالي 18000


مع ديكور وكذلك تورتة نازلة من السقف ووووو حوال 4 ألاف


الإضاءة من الديكور فأكيد انثم مطلبتوش ديكور


بالنسبة للأكل تقدري تسألي أي حد علي الأكل عندهم


ممكن حظكم أنثم بس صارت لخبطة

karamella
15-07-2010, 05:33 AM
أختي

صالة لبذة في فنذق كورنتيا ليس بسعر الصالة أصلا

حسب عدد الكراسي

وحسب الأكل اللي إنتي طلبتيه هذا الكلام كان 2004

مكانتش موجودة الودان الحالية


بعدين الأكل مكانش مصقع ولا في الدوة هادي


الصالة بالأكل كلفت حوالي 18000


مع ديكور وكذلك تورتة نازلة من السقف ووووو حوال 4 ألاف


الإضاءة من الديكور فأكيد انثم مطلبتوش ديكور


بالنسبة للأكل تقدري تسألي أي حد علي الأكل عندهم


ممكن حظكم أنثم بس صارت لخبطة
مناسبتنا في2010 والصاله ب4000 الكراسي 280 كرسي والاكل كان اغلى درجة وقارص والتورته اقسم بالله كانت تكسف

libya32
15-07-2010, 03:50 PM
ياجماعة والله الانسان يدور عالبسيط وحرام اضيعو فلوسكم فى صالات غالية على خاطر اربع ساعات فقط
والله حتى ربي ماقال عليه الاسراف هدا ..امس شفت صالة ليلتى يلى ب6000 الاف مالقيت فيها ميزة وحدة
عادية جدا وبسيطة ويلى كسرلي رقبتى انها محجوزة شهرين على بعض منو بالله الغبي يلى يحجز فيها والله
ربي يكون فى العون وخلاص بالنسبة للصالات يلى عاجبينى بنات حواء ولوتس واللبيب فقط والباقى حرام فيهم حتى 1000
مشكورين

همسة أمل
16-07-2010, 12:02 AM
مساء الخير علي الحلوين اعضاء المنتدي نبي نسالكم علي صاله حلوه ومن غير دروج لسبوع ارجو تفيدوني ومدابيكم تكون في سوق الجمعه ارجو افادتي

pRiSoN bReaK
16-07-2010, 12:07 AM
السلام عليكم

موضوع حلو الحق

انا في ليله زفافي مشيت الي نجوي التليسي في شارع بيروت

الحق غيرتني هلبا ومكياجي كان لون الغروب اللي نبيه انا قالتلي وجهك يطلع عليه

الحق اتقول تقرا في افكاري حتي حواجبي خففتهم بس لاني مانقيش خلتهم في غايه الروعه

وحتي سيدتي الجميله حلوه مشيتلها بعد عرسي طلعتني اميره الحق ( بس نجوي احلي ^_^)

lady star
16-07-2010, 12:39 AM
زيادة عن المزينات انضيف اسم (اشبيليا )
شفت عروسة عندها من سنتين والله تحفه
وهي قديمة من قبل يعني مش جديدة

اسير الشوق
16-07-2010, 12:22 PM
مساء الخير علي الحلوين اعضاء المنتدي نبي نسالكم علي صاله حلوه ومن غير دروج لسبوع ارجو تفيدوني ومدابيكم تكون في سوق الجمعه ارجو افادتي
عليك وعلى قورينا الهناء

dr.ma
16-07-2010, 06:37 PM
مساء الخير علي الحلوين اعضاء المنتدي نبي نسالكم علي صاله حلوه ومن غير دروج لسبوع ارجو تفيدوني ومدابيكم تكون في سوق الجمعه ارجو افادتي


سلام
باهى انت كم تبى فيها كرسى
وهل تبيها كبيرة والاصغيرة
وعادى متل لو صالة كانت قريبة من منطقة سوق جمعة

lady star
17-07-2010, 01:53 AM
ربي يوفق الجميع

مزنه2
17-07-2010, 09:14 PM
مساء الخير للعرايس الجدد حبيت نساعدكم فى طلباتكم\
انا ليلة عرسى مشيت لمدام نوال فى الدريبى من كتر ماشفتلها عرايس ابداااااااااااااااااااااااااع وفعلا مكياجها غير ماشفته الى الان وخواتى الاتنين طلعتهم هيا احنا العيله كلها تمشيلها واختى الاخيره دارتلها اضافات طلعتها اميرررررررررررره الكل قعد مصدوم فيها ليلة عرسها وحى عالرسمه من الاخير
معاش تقولولى سهى بالله هدا مكياج انا مسميه مكياجها متع المدمنات والوردى اللى فالحه فيه عااااااااااااااار من الاخير
وصاله المعرض راقيه وفخمه وسعرها مناسب وخدماتها ممتازه ومشرفه الصاله تهبل الاسلوب والرقى فى التعامل والامانه مفيش حاجه تنقص ولا تريحللك وعندهم هدايا وانتى اختارى
وبالنسبه للروائح للعرايس انا نفضل شانس شانيل او ريتشى ريتشى اوميس ديور او جادور روعه
والمكياج خودى باكو كامل من ماك اب فور افر هدا ضلال
واانشاء الله حياة زوجيه سعيده

karamella
17-07-2010, 09:34 PM
مساء الخير للعرايس الجدد حبيت نساعدكم فى طلباتكم\
انا ليلة عرسى مشيت لمدام نوال فى الدريبى من كتر ماشفتلها عرايس ابداااااااااااااااااااااااااع وفعلا مكياجها غير ماشفته الى الان وخواتى الاتنين طلعتهم هيا احنا العيله كلها تمشيلها واختى الاخيره دارتلها اضافات طلعتها اميرررررررررررره الكل قعد مصدوم فيها ليلة عرسها وحى عالرسمه من الاخير
معاش تقولولى سهى بالله هدا مكياج انا مسميه مكياجها متع المدمنات والوردى اللى فالحه فيه عااااااااااااااار من الاخير
وصاله المعرض راقيه وفخمه وسعرها مناسب وخدماتها ممتازه ومشرفه الصاله تهبل الاسلوب والرقى فى التعامل والامانه مفيش حاجه تنقص ولا تريحللك وعندهم هدايا وانتى اختارى
وبالنسبه للروائح للعرايس انا نفضل شانس شانيل او ريتشى ريتشى اوميس ديور او جادور روعه
والمكياج خودى باكو كامل من ماك اب فور افر هدا ضلال
واانشاء الله حياة زوجيه سعيده
هلبه يشكرو في نوال وبصراحة شفتلها صورة عروسه عجبتني عالاخر

Siniora
18-07-2010, 02:02 AM
بالنسبة للمزين "فاطمة شعيب +ناديا الجزائرية" وبس وردو بالكم تمشو لسهى الحسناااء او باربي لانهم الزوز يطلعو في العرائس طبعه وحدة
بالنسبة للصالات "صالة الفراشات في السراج جديدة وحلوة ...


اني معاك في كل اللي اقتبسته
وصالة الفراشة روعة روعة وهادوا صور ملطوشات ليها
http://img36.imageshack.us/img36/9559/20100705074.jpg (http://img36.imageshack.us/img36/9559/20100705074.jpg)

http://img149.imageshack.us/img149/3215/image1378.jpg (http://img149.imageshack.us/img149/3215/image1378.jpg)

لكن في رايي باب الهناء قورينا هي التوب احلى صالة والستيج متاعها زايدها النص

بالنسبة للمزينات فاطمة شعيب مكياجها حلو وخاصة رسمة العين بس روجها ادير فيه فاقع هلبة شفتلها كم عروسة وكلهم اورنج الروج مش حلو بكل

شنو في عريسات اهني ؟؟

Siniora
18-07-2010, 02:06 AM
هلبه يشكرو في نوال وبصراحة شفتلها صورة عروسه عجبتني عالاخر


تي وينها نوال هادي اني نسكن في الدريبي ومانندريش عليها
شكلي راقدة علي وداني :alldoc (42):

اسير الشوق
18-07-2010, 03:36 AM
نوال كانت فترة جهة كشلاف يعني بين الدريبي وكشلاف


وفترة فتحت في حوشها زمان في الشارع الكبير



المهم بالنسبة للستيج متع قورينا الهناء برأي ورأي العيلة هو اللي مشينها

لأنه جاي في النص ومخليها مش منشرحة

وتحسي الناس مش ملمومين مقسومين نصين

بس هي مسألة أدواق

sanfora
18-07-2010, 04:39 AM
نبى نس



نبى نسأل على مزين سيدتى الجميلة كويس او لا وكم سعره

Siniora
18-07-2010, 02:52 PM
نبى نس
نبى نسأل على مزين سيدتى الجميلة كويس او لا وكم سعره

الاسعار مش تخصصي
بس مشتله بنت خالتي في بيانها طلعتها تحفـــــة

مزنه2
18-07-2010, 07:01 PM
ياسنيورا مزين نوال بجنب صالة الرحاب متع الدريبى اكيد تعرفها بما انك من سكان المنطقه
وكان عندك حظ يكون عرسك مش زحمة عرايس لان فى عرسى كنت انا ووحده تانيه بس لهت بينا عالاخر وطلعتنا من الاخر واسعارها معقوله فى عرسى 250 من غير ميش وصبغه بس اختى كان عرسها السنه اللى فاتت ودارتلها حاجات جديده واضافات خدت منها 400 وانتى امشيلها وشوفى اسعارها السنه هده لكن بصراحه هيا التووووووووووووب الى الان لان مكياجها غريب ومش مكرر ورسمتها مدارهاش حد لتوا مع ان البعض يحاول يقلدها لكن ليها لمستها الخاصه

نبضة أمل
18-07-2010, 08:47 PM
السلام عليكم ورحمة الله وبركاته

صبايا عندى إستفسار لو سمحتم

نبي نكلف العشاء لأن مانبيش عشاء الصالة

أما أحسن مطعم تعرفوه ؟ يدير في أكل حلو

وميكسد ؟

تحياتى

karamella
18-07-2010, 09:06 PM
السلام عليكم ورحمة الله وبركاته

صبايا عندى إستفسار لو سمحتم

نبي نكلف العشاء لأن مانبيش عشاء الصالة

أما أحسن مطعم تعرفوه ؟ يدير في أكل حلو

وميكسد ؟

تحياتى
مطعم اسنطبول في النوفلين او نهاية الدهماني:hesh (37):

نبضة أمل
18-07-2010, 09:10 PM
السلام عليكم ورحمة الله وبركاته

مطعم اسنطبول في النوفلين او نهاية الدهمانيhttp://www.doctors.ly/forums/images/smilies/new/hesh%20(37).gif

بارك الله فيك كراميلا

وجاري المعاينة إن شاءالله

Siniora
19-07-2010, 08:37 PM
ياسنيورا مزين نوال بجنب صالة الرحاب متع الدريبى اكيد تعرفها بما انك من سكان المنطقه
وكان عندك حظ يكون عرسك مش زحمة عرايس لان فى عرسى كنت انا ووحده تانيه بس لهت بينا عالاخر وطلعتنا من الاخر واسعارها معقوله فى عرسى 250 من غير ميش وصبغه بس اختى كان عرسها السنه اللى فاتت ودارتلها حاجات جديده واضافات خدت منها 400 وانتى امشيلها وشوفى اسعارها السنه هده لكن بصراحه هيا التووووووووووووب الى الان لان مكياجها غريب ومش مكرر ورسمتها مدارهاش حد لتوا مع ان البعض يحاول يقلدها لكن ليها لمستها الخاصه


صالة رحاب في كشلاف بس مش بعيدة علينا
لكن بنقولك مافيش مشروع عرس حالياً :alldoc (23):
ونوال درات عندها وحدة صاحبتي بس مكنتش نعرف انها في كشلاف
لكن للاسف معجببتنيش هي شقرة ومكياجها داراته عالداكن
والله مشكلة الشقراوات ماريتش الا وحدة بس طلعت حلوة في عرسها
والباقي تغسل وجهها تطلع احلى بهلبة
من هي اللي تطلع في الشقر حلوات ؟؟ لانهم يبوا حاجة هادية وسمبل

مجــد الصــباح
19-07-2010, 09:07 PM
افضل مزين وبوتيكات لفساتين الافراح في طرابلس للبنات فقط


افضل مزين : مدام نادية الجزائرية

افضل صالة : كورينثيا ..بلامنازع

واخيرا افضل مكان لفساتين الافراح : الواحات سنتر بحي الاندلس

وشكرا ,,,,

الواثقة بالله
19-07-2010, 11:27 PM
افضل مزين وبوتيكات لفساتين افراح فى طرابلس للبنات فقط

.........


أعتقد بأن الموضوع أخذ وقت كاف وطرحت أراء كثيرة

وربما صار ينحاد عن مساره

إلي هنا
:
:
:

عفوا ..الموضوع مغلق