المساعد الشخصي الرقمي

مشاهدة النسخة كاملة : عنواين افضل عيادات الاسنان فى طرابلس



الدبلوماسي
26-06-2008, 11:32 AM
http://img70.imageshack.us/img70/8184/taheyant0.gif

في الحقيقه طلب مني أخي الاكبر أن أبحث له عن دكتور أسنان ممتاز

فواجهتني صعوبه في ذلك

لذلك قلت أستشير أهل الاختصاص وأنتظر المساعده

وعليه أطلب معلومات شامله عن أي عيادة اسنان كويسه

علما بأن المشكله أعتقد انها ستكون ترميم أو إعادة تركيب زوج الاسنان الاماميه في الفك العلوي

وياريت المعلومات تشمل ..

إسم العياده . و أقرب نقطه داله لها . وإسم الدكتور أو الدكتوره المختصه . ومواعيد عملهم في العياده . ولو أمكن رقم هاتف العياده .

لكم خالص تحيات الدبلوماسي

RANDA
26-06-2008, 08:48 PM
ان شاء الله لاباس على خوك

وبما انك تبى على ما اشرت تركيب جسر تابت الى اسنانك الاماميه فانصحك بالدهاب الى الدكتور العاالم فى قرقارش

او الدكتور كامل الحطاب لكن لااسف لا اعرف مقرهم بالضبط سوف اسئل وارد عليك فى اقرب وقت

بس هناك عده عيادات فى شارع بن عاشور تخص الاسنان ممكن ان تسال عن عياده الدكتور كامل الحطاب

لانه مختص فى التركيبات

الدبلوماسي
26-06-2008, 09:55 PM
دكتوره Randa

لك كل الشكر على مساعدتك وإهتمامك بالموضوع:alldoc (36):
سوف أعمل بنصائحك
وأنا في إنتظار المزيد من المعلومات.


وبما انك تبى على ما اشرت تركيب جسر تابت الى اسنانك الاماميه فانصحك بالدهاب الى الدكتور...

يا صديقتي أسناني في صحه جيده والحمد لله :alldoc (84): إنما هي أسنان أخي الأكبر:alldoc (63):

Agilia
27-06-2008, 08:46 PM
السلام عليكم ورحمة الله وبركاته

في العيادات الخارجيه للطبي
يوجد دكتور اسمه صلاح بوطويرات تبارك الله عليه

الدبلوماسي
28-06-2008, 11:43 AM
http://img440.imageshack.us/img440/8857/taheyaxy6.png

شكرا دكتوره Agilia على المساعده وستؤخد بالإعتبار إن شاء الله

http://img56.imageshack.us/img56/6271/maataheyatecm9.png

أصايل
29-06-2008, 07:34 PM
مســاء الخير ..


أستطيع أن أضمنـ لكـ مهارة دكتورة أسمها " حنانـ " ..
في مستشفى sant james الليبي المالطي ..
ماهرة جدا .. وأنا شخصيا أتابع عندها ..
إن أردتـ أن تتصلـ بهم .. أخبرني وسأرسلـ لكـ رقم تليفونـ المستشفى .

/


كلـ الـود

أصايلـ

RANDA
29-06-2008, 09:36 PM
شكرا اصايل بس ممكن اعرف اين موقع المستشفى

الدبلوماسي
30-06-2008, 03:56 AM
أصـــايل

بعد التحيه
نعم ... لي رغبه في معرفة أرقام هواتف المستشفى إذا أمكن.
بإمكانك إدراجها هنا أو إرسالها برساله خاصه
أيضا لي نفس إستفسار الدكتوره Randa بخصوص عنوان المستشفى.

شكرا مره أخرى

Angle
30-06-2008, 03:01 PM
السلام عليكم ورحمة الله وبركاته

هلا أخي ..

نبعتك لأحلى دكتور أسنان وبالتجربة يا مان ..

اسم الدكتور ( سعيد أحمد العالم )

تقع عيادة الدكتور بالقرب من الاذاعة . بحد الكشك متاع الورد في

شارع المنصورة ..

وان شاء الله انجيبلك رقم الهاتف في اقرب وقت ..

وان شاء الله لاباس على سنون اوخيك ..

أصايل
30-06-2008, 06:52 PM
أصـــايل

بعد التحيه
نعم ... لي رغبه في معرفة أرقام هواتف المستشفى إذا أمكن.
بإمكانك إدراجها هنا أو إرسالها برساله خاصه
أيضا لي نفس إستفسار الدكتوره Randa بخصوص عنوان المستشفى.

شكرا مره أخرى



مســـاء الخير

رندا والدبلوماسي ..

بالنسبة لعنوانـ المستشفى ..
فهي تقع في / بن عاشـــور .. تحديدا .. وسعاية بديري
مقابلـ مطعم " مورينــــا " الطلياني ..
وبالنسبــة لأرقام التلفوناتـ .. سأرسلها لكـ .
وأتمنى أكونـ قد ساعدتـ ولو قليلا ..

::

وبالشفـــاء لأخيكـ

أصايلـ

الدكتوره
22-07-2008, 11:03 PM
سافيدك باسم اروع عيادات في طرابلس عياده المنصوره للاسنان ######عياده بن غشير يشكرو فيها هلبه ###### عياده طيبه لاسنان ########

الريانى
23-07-2008, 12:44 AM
مركز الهناء لطب الاسنان تاجوراء{{الطريق المزدوج {تاجوراء الوسط}..}} الدكتورة {{رولا}}

الدبلوماسي
23-07-2008, 01:59 AM
الدكتوره
الرياني

شكرا على المساعده
ولكم خالص تحياتي

الدبلوماسي

the_shark007
23-07-2008, 12:16 PM
السلام عليكم ورحمة الله وبركاته

تعرف يا خوي راي في الموضوع هذا ,,

الدكاترة حتي هم حظوظ يعني انت و حظك

في الدكاترة و خصوصا الاسنان ,,,,

فيه يالي يمشي معاه الدكتور فلان و تلاقي غيره

ممشاش معاه ,,,,,

خوك يتوكل علي ربي و ان شاء الله تمشي الامور

تمام ,,,,,,,,,

فيه دكتور لبناني اسمه

الدكتور غازي

في مستشفى 11 يوليو

او مستشفى النفط. ,,,,

بس لازم تكون مشترك في المستشفى

عن طريق شركة نفطية و المواعيد

ما نحكيلك ,,,

RANDA
06-08-2008, 10:47 PM
السلام عليكم ورحمة الله وبركاته

تعرف يا خوي راي في الموضوع هذا ,,

الدكاترة حتي هم حظوظ يعني انت و حظك

في الدكاترة و خصوصا الاسنان ,,,,

فيه يالي يمشي معاه الدكتور فلان و تلاقي غيره

ممشاش معاه ,,,,,

خوك يتوكل علي ربي و ان شاء الله تمشي الامور

تمام ,,,,,,,,,

فيه دكتور لبناني اسمه

الدكتور غازي

في مستشفى 11 يوليو

















مستشفى 11 يونيوا صح احسن عياده اسنان من حيت التعقيم
او مستشفى النفط. ,,,,

بس لازم تكون مشترك في المستشفى

عن طريق شركة نفطية و المواعيد

ما نحكيلك ,,,


والهى نفكر ندير فيها الامتياز لانى ليا صيفين نتدرب فيهم

lost
07-08-2008, 02:03 PM
السلام عليكم ورحمة الله وبركاته

عيادة الدكتور كامل الحطاب في شارع الجمهورية..

السلام عليكم..

monahanonal
20-08-2008, 06:15 PM
افضل نصيحة نقدمها ليك ...الدكتور الشاطر مش بس في الخدمة كدالك في حماية المريض من مخاطر انتقال الامراض يعني التعقيم,,فانا ننصحك انك تمشي وانت مغمض عيونك لعيادة المعراج في زاوية الدهماني بجانب الجامعة الحاضرة للدكنور ايهاب هلال,

asmon
20-03-2009, 11:43 PM
السلام عليكم نحب نوضح مكان المركز الليبي المالطي بتحديد اكتر هو صح في وسعاية بديري والي مايعرفش مطعم مورينا ممكن يسئل علي مكتب التقويم والقياس او السفارة السويسرية لان بعدهم بشوية نهاية الشارع علي ايدك اليسار وفي دكتورة محمد زريبة دكتور ممتاز في عيادة الجسر اسف جسرطريق السكة ورقم الهاتف4448030 الف سلامة لخوك:hesh (5):

نيروز83
16-10-2009, 09:17 PM
د.رولا مركز الهناء تاجوراء

نيروز83
17-10-2009, 05:43 PM
مركز الهناء تاجوراء فيه دكتورة ماشاء الله عليها اسمها رولا ركبت عندها اسنان زيركون مش عادية الى يشوفنى يحسب انها اسنان طبيعية و الحمد لله

Dr.tooth
17-10-2009, 09:45 PM
هاااااي
بصراحه انا انصح بالدكتور ثمود هو عراقي ما شاء الله عليه والله رهيييييييييييب وعيادته اسمها (( عيادة ميزران )) وموقعها بميزران ولو تحبو ارقام التلفون انا جاهزة
تحياتي

ملاك حارس
18-10-2009, 12:55 AM
السلام عليكم
بصراحة هلبة اختيارات والكل تشكرو فيهم
لمن نمشي بالضبط؟؟؟
سلام
ولو ممكن ارقام تلفونات

ملاك حارس
18-10-2009, 12:55 AM
السلام عليكم
بصراحة هلبة اختيارات والكل تشكرو فيهم
لمن نمشي بالضبط؟؟؟
سلام
ولو ممكن ارقام تلفونات

حمزة القدار
18-10-2009, 02:06 AM
أنصحك أخي بالدكتور صلاح أبو طويرات في عيادة آجار مقابلة للباب

الخلفي للجامعة ( الحي الجامعي )

الجراح الليبي
25-12-2009, 09:14 PM
السلام عليكم ورحمة الله
اهلا بالجميع وانشاءالله تكونو بخير
بصراحه يقول المثل اسأل المجرب وماتنساش الطبيب
بالنسبه ليا انى ننصحكم بعيادة البسمه فى شارع النصر عيادة راقيه بكل معنى الكلمه عيادة عندها نخبه من الدكاترة الممتازين فى طب الاسنان وعلى مستوى عالى
بصراحه اللى نبعته ليها يشكرنى هلبه لان بجديات عيادة مافيش زيها وعندهم شعار لسنا وحدنا ولكننا الافضل

ولو تبو اى مساعده انا حاظر وموجود

وسلامتكم

RANDA
25-12-2009, 11:52 PM
مشكووووووووووووووووووووووووووووووووووووووووووووووو ورين الصراحه كفيتو وفيتو

بحيث اصبحت هذه الصفحه كالدليل للافضل العيادات الاسنان فى طرابلس

nomedia2006
20-02-2010, 02:26 PM
السلام عليكم
نبي نسال لاى شخص يعرف عيادة الدكتور الزنداح وين يقولى
او حد يعرف مكان كويس يقدر الشخص يدير فيه تقويم
وشكرا لمساعدتكم

dentist86
20-02-2010, 03:13 PM
:alldoc (80)::alldoc (80):اهلا دكاترة
والله في دكتور محمد الشاوش اخصائي تقويم الحق يشكرو فيه عيادة السلام..وعندك حتي عيادة مستشفي الليبي المالطيsaint james فيها اخصائية تقويم مالطية كويسة ومشكورة?..

سلالالالام ....

asmon
20-02-2010, 10:53 PM
في المركز الاكاديمي فيه دكتور تقويم اسما الدكتور فتحي
في قرقارش بعد المستشفي علي يدك اليمين والف سلامة عليك

وليد محمود
27-03-2010, 10:45 AM
حسب علمى حتى عيادة الهلال الاحمر متع شارع بن عاشور يشكرو فيها

حنو
27-03-2010, 02:29 PM
عيادة الفاروق مكانها طريق السور مقابل البريد المركزى ...روعة فى الشغل والمعاملة وكل شي

اوسى86
10-04-2010, 10:13 PM
فى عندكم مصحة ليبيا فيهااخصائى تقويم كويس هلبة اسمه بشير الشيخى

اوسى86
10-04-2010, 10:15 PM
فى الدكتورة نسرين العربي مشاء الله عليها وعلى خدمتها
تشتغل فى مصحة ليبيا تقاطع مستشفى صلاح الدين

bombona
11-04-2010, 12:55 AM
السلام عليكم
بالنسبة لعلاج اللثة في الدكتور مصطفى جابه في عيادة الولاء في بن عاشور ,
ما شالله عليه في هدا المجال بجد
و هدا رايي و مجربينه العيلة
و كل واحد و ما يريحه!
تحياتي!

7booob
23-04-2010, 12:14 PM
يا جماعه سني توجع فيا ومش قادر انحاها .....مشيت قبل للدكتورة نجاح في مصحة البسمة وبعدين دارتلي موعد ماعدش وليت ...نحس بيها صغيرة وماعندهاش خبرة ديرولي حل امبارح مارقدتش

asmon
24-04-2010, 05:15 AM
انشاء الله سلامتك الف سلامة
وانشاء الله ماتنحيهاش سنك ومتحتاج للخلع انت لازم تمشي للدكتور باش يشوف شن وضع سنك ويعطي العلاج المناسب ومرات سنك تحتاج لعلاج عصب وعلاج العصب يبي وسعت بال لكن بادن الله لو درت علاج عصب من اول جلسة يخف عليك الوجاع والحق ماننصحكش انك تتسرع وتخلع سنك

7booob
24-04-2010, 02:50 PM
القصة انها تبي علاج عصب لكن انا اللي خايف منه ... خايف انطيح في دكتور مش كويس و يلعبلي في سني لاني من سنة تقريبا درت علاج عصب لسن اخرى وما مشاش الحال و انكسرت و بعدين اضطريت نخلعها

وليد محمود
24-04-2010, 06:16 PM
يا جماعه سني توجع فيا ومش قادر انحاها .....مشيت قبل للدكتورة نجاح في مصحة البسمة وبعدين دارتلي موعد ماعدش وليت ...نحس بيها صغيرة وماعندهاش خبرة ديرولي حل امبارح مارقدتش

الخبرة مش بالشكل و العمر
ياما من اطباء اشكالهم اتقول يقرو فى الابتدائى و لكن مبدعين ماشا الله
و ما تنساش يضع سره فى اضعف خلقه


عزيزى حبوب انى لا نعرف نجاح و لا نعرف بسمة بس حبيت انقول كلام الحق

asmon
25-04-2010, 05:00 AM
السلام عليكم
هو المفروض انك بعد علاج العصب ادير تلبيسة للسن باش تقدر تحافظ عليها ماتتكسرش

وليد محمود
25-04-2010, 11:23 AM
لو سمحت يا حبوب يا ريت اتقولى السن اللى درتلها علاج عصب و انكسرت !!! اما سن هادى و كيف انكسرت

dr/h_m_a87
29-04-2010, 04:54 PM
ف الزاويه<script src='http://img571.imageshack.us/shareable/?i=beyondsherwoodforest.jpg' type='text/javascript'></script><noscript>http://img571.imageshack.us/img571/8076/beyondsherwoodforest.jpg (http://img571.imageshack.us/i/beyondsherwoodforest.jpg/)</noscript>

ALTAJORY
04-01-2011, 02:19 PM
السلام عليكم
يوجد العديد من اطباء الاسنان الجيدين في مركز خدمات اسنان تاجوراء طبعا انا اعرف دكتورة ممتازة جدا بس لااستطيع ان اكتب اسمها اخاف انه تزعل المواعيد الشغل هي يومي الاثنين والاربعاء من الساعة الثالتة مساءاً.:alldoc (10):

ALTAJORY
06-01-2011, 01:51 PM
المركز يشتغل من يوم السبت الي الخميس اما بالنسبة للدكتورة تشتغل يوم الاثنين ويوم الاربعاء مساءً من الساعة3
بالنسبة للدكتور مشاء اللة عليها امشي وما تفكرش .
عنوان المركز تاجوراء طريق الشط مقابل مركز الاحياء البحرية.
تحياتي للجميع

ALTAJORY
06-01-2011, 01:57 PM
السلام عليكم باللة لو فيكم شخص يعرف اخصائيين تقويم ممتازين يكتب عناوينهم :alldoc (48)::alldoc (48):واسماءهم وكم تكون تكلفة التقويم تقربيا. وهكي انكون ممنون ليكم

سلام

sweetyflower
24-01-2011, 11:42 PM
مساء الخير في دكتورنور الدين بزيزي اني حالة عنده وشايفة حالات معالجين عنده وسنونهم طلعو تبارك الرحمن عليهم فوق هدا كله معاملته معا المرضى محترمة جدا مش معاملة مبتيةعالفلوس وبس ,سعر التقويم فالفكين 1500دينار وعلي اقساط بالدفعة , انشاء الله انكون ساعدتك حتا شوية

asmon
25-01-2011, 12:27 AM
الدكتور فتحي المدني اخصائي تقويم
المركز الاكاديمي لطب الاسنان بعد مستشفي قرقارش
الاحد والثلاثاء

ALTAJORY
27-01-2011, 08:58 PM
:alldoc (82)::alldoc (82): (بس عندي ملاحظة د/نوردين بزيزي وين مكان الشغل) وسامحوني لاني تعبتكم معاي واي شئ تبوة واني نقدر انديرة اتفضلوا واطلبوا وانحاول اني انديرة وشكرا ليكم من جديد

جوري 86
08-02-2011, 01:44 AM
السلام عليكم
ردا على سؤال الدكتور التاجوري
مكان عيادة د نور الدين بزيزي في سيدي المصري بحدة اويا واسمة مركز هشام

dr.mirna
08-02-2011, 02:35 AM
بصراحة كتبت السؤال في قسم الاستشارات الطبية بس ما حد جاوبني قلت نعاوده هني بالك تساعدوني لأنكم أعرف في هذا المجال,,,,
السلام عليكم ورحمة الله وبركاته
بالله عليكم نبي نسأل عن دكتور أسنان -تخصص أطفال- يكون كويس ,,,,تقولولي علي اسمه ووين يشتغل,,,سواء ليبي أو أجنبي.
أرجو إفادتي,,,,ومشكورين مسبقا.

ALTAJORY
09-02-2011, 09:43 PM
السلام عليكم كل الدكاترة (دكتورة ميرنا )ليش تبحتين عن اخصائي اطفال ايش المشكلة بالضبط .سوءالك صعب اشوية انشاء اللة اصير خير سلام

dr.mirna
10-02-2011, 02:34 AM
شكرا أخي التاجوري لمحاولة المساعدة,,,,,,بصراحة قريبي-في الابتدائي- ,,المشكلة لا أعرف بالضبط اذا كانت في الاسنان وإلا في الفك لأنه يلبس تقويم ومش عارفة شن تاني على خاطر الفك-ما تتخايلش انه فيه تشوه...الشكل الخارجي طبيعي -,,,المهم انه كان يتابع في الخارج عند اخصائي أطفال للأسنان ,,,,,ونصحوه يكمل المتابعة في ليبيا,,,,,,,,هاذي هي القصة -آسفة على الإطالة-,,,,,,,,,لو مافيش من يعرف اخصائي أطفال ,,,,ممكن تنصحوني بمتخصص في هذا المجال-----ربما (التقويم) المهم يكون كويس -لو امكن.

RANDA
12-02-2011, 01:36 PM
بصراحة كتبت السؤال في قسم الاستشارات الطبية بس ما حد جاوبني قلت نعاوده هني بالك تساعدوني لأنكم أعرف في هذا المجال,,,,
السلام عليكم ورحمة الله وبركاته
بالله عليكم نبي نسأل عن دكتور أسنان -تخصص أطفال- يكون كويس ,,,,تقولولي علي اسمه ووين يشتغل,,,سواء ليبي أو أجنبي.
أرجو إفادتي,,,,ومشكورين مسبقا.


ان شاء الله لاباس عندك الدكتور احمد ابو الويفا وعياده اسمها عياده الرحمه فى الرياضيه

RANDA
12-02-2011, 01:38 PM
خلاص لدكتور احمد ابو اليفا تخصصه طب اسنان اطفال وتقويم فى نفس الوقت

ALTAJORY
12-02-2011, 05:20 PM
السلام عليكم كان عندي قريبي يعاني مشكلة في الفك ونصحوة بان يمشي ايتابع عند مركز هشام المركز متخصص في الامور هادي عنوانة في سيدي المصري انتي امشي جرب غادي او شوفي الدكتور شن اقولك لاكن اني مانعرفش انة عندهم اخصائي اطفال والا لا .اسف علي الاطالة وهذا كل اللي نعرفة وانشاء ايصير خير سلام

dr.mirna
12-02-2011, 07:02 PM
مشكورين على المساعدة , بارك الله فيكم.

زينة البنات
19-02-2011, 03:23 PM
بالنسبة لأفضل دكتور طب أطفال(الدكتور:عبد السلام ناجي),ماشاء الله تبارك الرحمان,,وبالنسبة لأفضل دكتور تقويم فيه الدكتور محمد الشاوش وفيه دكتورة هندية في مستشفى السبيعة رهيبة الحق وفي دكتور مصري في عيادة في جنزور والحق الحق اختي تعاين عنده ونشوف في النتيجة قدام عيوني وفي الدكتور عبد الستار العالم,,في نخبة الحق من الاخصائين المشهود لهم بالسمعة الطيبة.

RANDA
26-02-2011, 09:18 PM
بارك الله فى الجميع

الزين2
20-01-2012, 12:38 AM
فيه عيادة الفردوس في باب بن غشير مقابل باب نادي الاتحاد
فيها دكتور بشير السوكني ...اخصائي زراعة اسنان ما شاء الله عليه شغله فناااان
وفيه دكتورة وصال ودكتورة ملاك بصراحة كل عيلتنا نعالجو في اسناننا غادي ...تعقيمهم ممتاز وشغلهم رائع

ميمى الامورة
10-03-2012, 06:13 PM
السلام عليكم

اني ماننصحكش غلي دكتور الزنداح لان في هلبه يدموا فيه الحق
واني توا ندير عند الدكتور نور الدين الببزيزي والحق الناس كلها تشكر فيه

D.hamoda
10-03-2012, 11:55 PM
السلام عليكم

لو سمحتوا الي يعرف رقم هاتف مركز هاشم الي في سيدي المصري ياريت يكتبهولنا ^^

ميمى الامورة
12-03-2012, 05:57 PM
السلام عليكم
مركز هشام الدكتور نور الدين البزيزى
هده الارقام 0923521135
0913742381
وانشاء الله لاباس

D.hamoda
13-03-2012, 01:38 AM
السلام عليكم
مركز هشام الدكتور نور الدين البزيزى
هده الارقام 0923521135
0913742381
وانشاء الله لاباس




شكراا جزيلاااا

وربي مايوريك باس ^^

سجينة نفسي
04-06-2012, 08:35 PM
عفوا من يعرف الدكتور مروان ربانه واين نلقاه؟؟؟؟؟؟؟؟؟؟؟؟؟؟

سجينة نفسي
15-06-2012, 09:47 PM
ارجوكم ارجوكم ساعدونى ليعرف رقم الدكتور مروان ربانه ارجوكممممم